4 ‘Maleta Boys’ na nag-recant, inaresto
MANILA, Philippines — Apat na ‘Maleta Boys’ na dating bodyguard ni dating kongresista Zaldy Co na nag-recant ang inaresto ng mga awtoridad sa San Juan City kaugnay ng kasong cyberlibel.
Ayon kay San Juan City Police Station chief Col. Anthony Gantang, ang apat na dating miyembro ng Philippine Marines ay kabilang sa 18 umano’y dating bodyguard ni Co na pinangalanang respondents sa nasabing kaso.
Dinakip ang mga ito dakong alas-11:30 ng umaga nitong Huwebes sa San Juan Hall of Justice habang dumadalo sa hiwalay na kaso. Isinagawa ang pag-aresto batay sa warrant of arrest na inilabas ng Quezon City Regional Trial Court Branch 93 noong Setyembre 9.
Ang warrant ay kaugnay ng umano’y paglabag sa Section 4(c) ng Republic Act 10175 o Cybercrime Prevention Act of 2012. Nakalaya rin ang apat matapos makapagpiyansa.
- Latest
