Mga nakadawat sa confidential funds walay records

CEBU, Philippines — Dul-an sa two-thirds sa mga nakadawat sa confidential fund nga gipasusi sa House ngadto sa Philippine Statistics Authority ang walay record nga natawo, nakasal o namatay, kini ang gipadayag sa usa ka statistician sa ahensiya ngadto sa impeachment court kagahapon.

Gikompirmar sa depensa nga ang record katingad-an ug dili kasagaran nga mga ngalan ang anaa sa acknowledgment receipts sa Office of the Vice President diin mga alyas lang kini.

Si Marizza Grande, PSA assistant national statistic kinsa nitestigo ang gipaubos sa direct cross ug redirect examination sa duha ka senator-judge.

Kagahapon, ang korte nigahin sa ilang usa ka oras sa mga kasabotan kalabot kang Edward Fajardo, DepEd special disbursing officer.

Nihangyo ang prosekusyon nga bakwion ang subpoena alang kang Fajardo human sa napakita nga medical certificate nga nagkinahanglan pa kini og dugang 30 ka adlaw aron maka-recover gikan sa stroke.

Ang prosekusyon nagpabilin sa Article 1 nga nag-cover sa gikatahong P612.5 milyones nga confidential funds nga wala matarong sa paggamit.

Ang proceedings kagahapon gilangkuban sa 63 porsyento nga unusual nga wala mo exist diin si Grande nipadayag nga ang 1,685 sa 2,669 nga pangalan nga gisumite sa House good government committee alang sa verification sa 2024 wala kini natawo, wala nakasal o death record.

Apil niini ang naila nga "Mary Grace Piattos," kinsa nalista nga nakadawat og bayad gikan sa confidential funds sa OVP.

Giingong, sa 677 DepEd payees, 398 ang walay bisan unsa nga record; sa 1,992 OVP payees, 1287 niini wala usab kini record.

Sa kinatibuk-ang listahan, 152 lang ka ngalan ang nakahatag og usa ug talagsaon nga katukma.

Nasuta usab sa PSA ang 34 ka tawo nangamatay na kini sa wala pa ang 2022 disbursement lakip si Marlene Sunga kinsa namatay niadto pa’ng 1965 ug 25 ka menor lakip ang puya nga wala pa’y usa katuig ang panuigon dihang ang pundo i-release ngadto kanila base sa record.

Gigamit sa abogado sa depensa nga si Justin Nicol Gular ang iyang higayon sa pagpangutana aron matino ang mga limitasyon sa mahimong masuta sa PSA mahitungod sa mga nakadawat sa confidential fund.

Atol sa maong pagpangutana, gikompirma ni Grande nga ang PSA dili mohimo og mga imbestigasyon ug nagsalig lang kini sa mga impormasyon nga ipadala kanila sa mga lokal nga registrar ug mga opisina sa gawas sa nasud.

Dili usab hingpit nga komprehensibo ang pagrehistro diin mga tulo ka porsyento sa mga natawo ang wala marehistro, samtang anaa sa mga 84 porsyento ang rate sa pagrehistro sa mga nangamatay. (Gikan sa Philstar/BDB) BANAT NEWS