Rider nabagsakan ng nabuwal na puno, grabe
MANILA, Philippines — Isang motorcycle rider ang malubhang nasugatan makaraang aksidenteng mabagsakan ng isang matandang puno ng acacia habang bumabagtas sa MacArthur highway sa Brgy. Telabastagan, San Fernando City, Pampanga.
Sa report ng San Fernando City Public Order and Safety Coordinating Office (CPOSCO) ang rider ay nagtamo ng pagkabali ng braso sa insidente na mabilis na isinugod sa Jose Lingad Memorial General Hospital para malapatan ng lunas.
Base sa imbestigasyon, kasalukuyang bumabagtas ang nasabing rider sa bahagi ng nasabing highway ng biglang matumba ang isang matandang puno ng acacia sa tabi ng daan maga-alas-12 ng tanghali.
Sa nasabing insidente ay minalas namang matumbahan ng puno ang rider na namimilipit sa sakit sa insidente.
Nabatid na ang natumbang puno ng acacia ay nasa 50 taon na bumigay sanhi ng malalakas na pag-ulan sa lugar dulot ng habagat.
Ang biktima ay mabilis na isinugod sa pagamutan para malapatan ng pangunahing lunas.
- Latest
