Eala tatapusin kabiguan kay Jovic
MANILA, Philippines — Puntirya ni Pinay netter Alex Eala na makabawi kay Iva Jovic ng Amerika sa kanilang muling paghaharap sa third round ng US Open ngayong araw sa Arthur Ashe Stadium sa USTA Billie Jean King National Tennis Center sa Flushing Meadows, New York.
Nakatakda ang salpukan nina Eala at Jovic sa alas-7 ng gabi (alas-7 ng umaga sa Maynila) kung saan nakataya ang tiket sa fourth round.
Isasantabi muna nina Eala at Jovic ang kanilang friendship dahil pareho itong naghahangad na makausad sa naturang Grand Slam event.
Alam ni Eala na hindi magiging madali ang lahat lalo pa’t kabisado nito ang laro ni Jovic.
“She’s an amazing player, young, very talented, and very intelligent. Of course, she’s a higher-ranked player and very accomplished, and I encountered my fair share of challenges against her this year, but yeah, it’s not under my control who I will play,” ani Eala.
Hawak ni Jovic ang 2-0 head-to-head advantage laban kay Eala.
Nanalo si Jovic kay Eala sa first round ng French Open, 6-4, 6-2, sa Paris at sa Round of 16 ng 2026 Queen’s Club Championship sa London, 6-2, 6-2.
“I’m super excited. The atmosphere is gonna be amazing. She’s been playing some great tennis. It’s nice to be playing each other in the third round, deeper into the slam. Hopefully we can all keep going on runs like this,” dagdag ni Eala.
Umaasa si Eala na madadala nito ang magandang momento mula sa kanyang dalawang sunod na panalo.
Sa kanyang huling laro, pinataob ni Eala si Oleksandra Oliynykova ng Ukraine, 6-1, 6-4 demolisyon para maisaayos ang pakikipagtuos kay Jovic.
Sa kabilang banda, nanaig naman si Jovic kay Francesca Jones ng Great Britain sa kanilang second-round match, 6-4, 6-4.
“It’s gonna be a tough match. Like you mentioned sisterhood, and having friends on tour, just helped me so much, off the court and on the court. The friends that I have that I really admire on what they’ve been through and what they go through,” ani Eala.
- Latest
