NBI ikinasa na human trafficking vs Leviste, Paras

Sa ‘honeytrap’ plot kay Recto

MANILA, Philippines — Kinumpirma ni National Bureau of Investigation (NBI) Director Melvin Matibag na isasampa na sa National Prosecution Service ng Department of Justice (DOJ) ang reklamong qualified human trafficking laban kina Batangas First District Rep. Leandro Leviste, dating Negros Oriental congressman Jacinto Paras, at lima pang indibidwal kaugnay sa umano’y planong “honeytrap” laban kay Executive Secretary Ralph Recto.

“We are filing violation of Anti-Human Trafficking Law, so qualified human trafficking ‘yung ifa-file natin doon sa seven individuals,” ani Matibag.

Giit ng NBI, lumabas sa imbestigasyon ng NBI-National Capital Region na kumpleto ang mga elemento ng krimen at may sapat na batayan para sa kasong qualified human trafficking.

Kabilang sa mga respondent ang apat na abogado mula sa Rondain and Mendiola Law Firm at si Lito De Guzman. Irerekomenda rin ng NBI sa DOJ na magsagawa ng preliminary investigation sa pagkakasangkot ng mga abogado.

Matatandaang ilang kababaihan ang nasagip ng NBI sa isinagawang entrapment operation, kung saan naaresto ang handler o talent manager na si alyas “Ken” na kalaunan ay nakilalang si Lito De Guzman. Siya rin ang nagbunyag ng umano’y character assassination plot laban kay Recto