May-ari ng iskul tusta sa sunog sa klasrum!
CAVITE, Philippines — Natusta ang isang 70-anyos na nagmamay-ari ng isang pribadong eskwelahan nang masunog ang mismong paaralan na nagsimula sa isang classroom, kamakalawa ng gabi sa Brgy. Sta. Cruz 1, Dasmariñas City.
Umabot nang mahigit sa isang oras bago tuluyang naapula ang apoy at natagpuang sunog na sunog ang katawan ng biktima sa loob ng administration office kung saan ito natutulog na kinilalang si Gng. Violeta, 70-anyos, school owner ng Brentwood Academy, residente din dito.
Base sa ulat, alas-8:32 ng gabi nang sumiklab ang sunog na nagsimula sa isang classroom ng eskwelahan. Naitawag ang sunog pasado alas-9 na ng gabi.
Nang maapula ang apoy, nadiskubre sa clearing operations ang tustadong katawan ng biktima sa loob ng admin office kung saan siya natutulog.
Inaalam pa ng Bureau of Fire Protection (BFP) ang pinagmulan ng apoy.
- Latest
