Pagkisaw  sa pangalan ni Jose Mari Chan

CEBU, Philippines — Mitungtong na ang “ber” month nga timaan sa taas nga selebrasyon sa Pasko, ug namalandong ang OPM icon nga si Jose Mari Chan sa iyang dugay nang kaagi  sa musika ug sa talento nga iyang gituohang gihatag kaniya sa Ginoo.

Sa guesting niya  sa programa ni Melai Cantiveros nga “Kuan On Juan,” gipaambit sa 81-anyos nga singer-songwriter kung giunsa niya pagsugod sa pagsulat og mga kanta sa edad nga 13 ug nganong padayon gihapon siya sa paghimo og musika bisan aktibo usab siya sa negosyo sa ilang pamilya .

Giisip niya ang iyang mga kanta isip iyang gasa balik sa Ginoo.

Nakat-on siya sa paghigugma sa musika gikan sa iyang lola nga taga Cebu.

Sa iyang pagkabatan-on, boluntaryo siya nga ni-guest sa usa ka radio program ug nisalmot  usab sa mga school program diin iyang gikanta ang mga kanta sa The Platters.

Niadtong 1965, nakadawat siya og oportunidad gikan sa ABS-CBN nga mahimong host sa usa ka television show.

Niadtong 1967, giproduce sa ABS-CBN ang iyang unang record nga “Afterglow.”

Human sa pipila ka tuig nga pagtrabaho sa gawas sa nasud ,nibalik si Jose Mari Chan  sa Pilipinas niadtong 1986. Didto niya gipila  ang pipila sa iyang mga nailhang kanta nga sama  sa “Tell Me Your Name,” “Beautiful Girl,” ug “Please Be Careful With My Heart.”

Sa iyang pagbalik, gihangyo siya nga mohimo og Christmas song. Mao kini ang nisangpot  sa pagkahimo sa sikat kaayo  nga “Christmas in Our Hearts”.