Liza, mipasigarbo sa Forgotten Island

CEBU, Philippines — Gipabuhagay ni Liza Soberano ang iyang dakong garbo sa pagpaambit sa mga istorya ug kultura sa Pilipinas ngadto sa international viewers pinaagi sa animated film nga Forgotten Island.

Nibalik sa Pilipinas si Liza alang sa promosyon sa pelikula ug puwerting niyang lipaya human nasinati pag-usab ang lokal nga pagkaon, pagsakay sa jeepney, mga interbyu, ug uban pa.

Importante usab alang kaniya ang representasyon sa kultura ug mga Pilipino sa pelikula, ilabi na kay kini giila isip unang original Filipino story sa DreamWorks.