10 timbog sa ecstasy, marijuana sa buy-bust
CAVITE, Philippines — Sampu katao ang nalambat ng mga ahente ng Philippine Drug Enforcement Agency (PDEA)-Cavite sa inilatag na buy-bust operation sa isang bahay na ginagawang drug den kahapon ng umaga sa Brgy. Palico 1, Imus City.
Sa nakalap na ulat, alas-10 ng umaga nangmaglatag ng buy-bust operation ang PDEA-Cavite Provincial Office at PDEALaguna kasama ang Cavite Maritime Police sa Villa Calla, Brgy Palico 1 ng nasabing lungsod.
Arestado sa operasyon ang 10 katao at nasamsam sa kanila ang may 106 na ecstasy na may halagang P180,200, marijuana kush na may halagang P7,500, ketamine na nasa P5,000, at liquid ecstacy na nasa P4,200 ang halaga.
Nasamsam din sa mga suspek ang iba’t ibang klase ng cellphone, buy-bust money at mga drug paraphernalia.
- Latest
