25-anyos babae na-trap sa sunog sa Quezon City, patay!

MANILA, Philippines — Nalitson nang buhay ang isang 25-an­yos na babae sa naganap na sunog sa isang residential area sa 13th Street, Barangay Damayang Lagi, Quezon City nitong Biyernes ng umaga.

Ayon sa QC- Bureau of Fire Protection, nakita ang katawan ng natustang bangkay ng biktima makaraang ma-trap sa loob ng isa sa mga nasunog na bahay sa lugar.

Sinabi ng lalaking kasama ng biktima, may pagkakataon pang makalabas ng bahay ang babae pero bumalik pa ito sa loob ng nasusunog na bahay.

Umabot naman sa ikalawang alarma ang sunog na naapula ganap na alas-8:44 ng umaga kamakalawa.

Patuloy na iniimbestigahan ng BFP ang sanhi ng sunog at halaga ng pinsala ng insidente.