CESAFI Season 26 mosikad na

CEBU, Philippines — Miabot na sab ang panahon sa tuig diin ang labing maayong mga estudyanteng atleta sa Sugbo magtakos sa ilang abilidad sa dihang ang Cebu Schools Athletic Foundation, Inc. (CESAFI) Season 26 pormal nang moarangkada karong adlawa (Sabado, Agosto 29) sa Cebu Coliseum. 

Sa dili pa ang pasiunang mga duwa ning season diin ang tulo ka bag-ong teams mokumbati dayon, usa ka bonggang seremonyas sa pagbukas ang ipahigayon sugod sa ala-1 sa hapon.

Ang tradisyonal nga Grand Palabas ug ang pagpili sa Miss CESAFI 2026 sa high school ug college gipaabot nga mokuha og atensiyon sa mag manan-aw sa upat ka oras nga programa.

Sugdan ang kulbahinam nga pinaksitay sa korte sa alas 6:15 sa gabii diin ang debuting teams nga PAREF Springdale Titans ug San Roque College de Cebu (SRCDC) Greyhounds maoy magbangga.

Sa main game sa alas 7:45 sa gabii, ang University of Cebu Lapu-Lapu and Mandaue (UCLM) bunyagan og kayo sa primerong inter-school nga liga sa Sugbo batok sa University of Southern Philippines Foundation (UPSF) Panthers.

Magpadayon ang aksiyon sunod adlaw (Domingo, Agosto 30) uban ang quadruple-header nga iskedyul.

Sa high school, ang Cebu Eastern College (CEC) Dragons makigharong sa San Carlos School of Cebu (SCSC) Baby Warriors sa alas 12:30 sa hapon, samtang ang Don Bosco Greywolves mosakbang batok sa University of San Jose-Recoletos (USJ-R) Baby Jaguars sa als-2 sa hapon.

Human niini, ang University of the Visayas (UV) Green Lancers mosikad sa ilang kampanya alang sa talagsaong five-peat batok sa USC Warriors sa alas 3:30 sa hapon.

Sa pinal nga sangka, ang USJ-R Jaguars makigbugno sa Cebu Institute of Technology-University (CIT-U) Wildcats sa alas-5 sa hapon.

Ang upat ka bulan nga torneyo magsubay og single round robin format sa juniors ug double round elimination sa college division. Ang upat ka teams nga dunay labing nindot nga rekords moabante sa semifinals diin ang Top 2 adunay twice-to-beat advantage. Ang mga mananaog maoy mag-abot sa best-of-three finals.