15-anyos nadakpan sa buybust
CEBU, Philippines — Usa ka 15-anyos nga menor de edad ang gikustodiya sa kapulisan human nasakmit ang mokabat sa 55 gramos nga gituohang shabu sa buy-bust operation sa F. Vestil, Barangay Mambaling, Cebu City, alas-11:15 sa gabii niadtong Agosto 24, 2026.
Ang menor de edad, nga giila lamang sa alyas nga “Acob,” ug residente sa Sitio Naba, Barangay Mambaling, Cebu City.
Gipahigayon ang operasyon sa mga personnel sa Police Station 11 sa Cebu City Police Office (CCPO).
Nasakmit gikan niya ang usa ka gamay nga heat-sealed transparent plastic sachet nga gituohang shabu nga napalit sa poseur buyer ug dugang unom ka gagmay nga sachet, pito ka medium packs ug usa ka dakong paketeng pulos naay sulod nga gidudahang shabu, lakip ang buybust money.
Usa usab ka itom nga coin purse nga giingong gigamit isip sudlanan sa ilegal nga droga ang nasakmit.
Ang tanang nakumpiskang gituohang shabu adunay gibanabanang motimbang nga 55 gramos, nga adunay Standard Drug Price nga mokabat sa ?374,000.
Ang suspek gidala sa police station ug dayon gi-turnover ngadto Women and Children Protection Desk (WCPD). IBM BANAT NEWS
- Latest
