Lima ka kawani sa City Hall positibo sa drug test
CEBU, Philippines — Lima ka empleyado sa kagamhanan sa Dakbayan sa Sugbo ang nagpositibo sa surprise drug test nga gihimo sa Philippine Drug Enforcement Agency (PDEA)-7 pinaagi sa pakigtambayayong sa Cebu City Office for Substance Abuse Prevention (COSAP) niadtong Agosto 19, 2026 sa Cebu City Sports Center.
Gibutyag ni Konsehal Dave Tumulak, tulo sa mga nagpositibo gikan sa Cebu City Disaster Risk Reduction and Management Office (CCDRRMO) samtang duha gikan sa Cebu City Sports Center. Adunay pagahimoon nga confirmatory test ug ipaubos sab sa imbestigasyon ang lima nga nagpositibo.
Kung magpositibo pag-usab ug kung mapamatud-an nga naggamit kini og ilegal nga drugas dunay silot nga nagpaabot kanila.
Abot 330 ka empleyado gikan sa nagkadaiyang departamento ang gi-drug test , gikan sa CCDRRMO, 49 sa CCSC, ug 13 sa opisina ni Tumulak. Si Tumulak miapil sab sa pagpa-drug test.
“Bati kaayong paminawon nga naa ka nagtrabaho sa gobyerno unya ikaw nag-positibo ka,”pulong pa ni Tumulak. (BANAT NEWS)
- Latest
