Cebuano singer Paul Rosa, mi-perfomsa Independence Day event sa Indonesia
CEBU, Philippines — Nipasundayag ang Cebuano singer nga si Paul Rosa sa espesyal nga Independence Day event didto sa Depok, West Java, Indonesia, sa niaging gabii diin gihangop sa mga Indonesian ang iyang performance.
Gikanta ni Paul ang nagkalain-laing Indonesian songs isip kabahin sa selebrasyon ug nakadawat siya og kusog nga pakpak ug positibong reaksyon gikan sa mga nanambong.
Gawas sa Independence Day event, nibisita usab si Paul isip guest sa usa ka music session sa De Hakims Music Studio.
Sa iyang pakighinabi sa The Freeman ug Banat News kagahapon , gipabuhagay ni Paul ang iyang dakong pagpasalamat sa mainitong suporta nga iyang nadawat gikan sa mga tawo nga padayon nga nisalig sa iyang talento .
Nasayran usab ni Paul nga adunay pipila niya ka supporters sa Indonesia nga nagtukod og fans club alang kaniya.
Dili bag-o kang Paul ang pagpakita sa iyang talento sa Indonesia. Niadtong 2023, siya ang nirepresentar sa Pilipinas isip contender sa “Dangdut Academy Asia Season 6”, usa sa mga sikat nga singing competition sa Indonesia.
Si Paul usa usab ang nag-awit sa popular nga Cebuano song nga “Ayaw Pagsaad.”
Katunga sa TF gibayran na
Malipayong gipaambit ni Chariz Solomon ang taho nga nadawat na niya ang katunga sa talent fee alang sa iyang pagtrabaho kaniadto sa noontime show nga “Tahanang Pinakamasaya.”Suma pa ni Chariz nga wala siya masuko sa pagkalangan sa iyang talent fee apan gitataw niya nga duna pud siya’y mga panginahanglan .Kahinumdoman nga gi-ere ang "Tahanang Pinakamasaya" niadtong 2024 isip hulip sa timeslot sa "Eat Bulaga" sa GMA Network apan natapos rapud kini sulod sa pipila ka buwan sukad sa pag-ere niini.
- Latest
