“Maarte” image ni Kris, nagkahupas

CEBU, Philippines — Miangkon si Kris Aquino nga gihina-hinayan na niya pagbiya ang pagka-“maarte,” bisan pa man nga makita gihapon sa iyang fans ang pipila sa iyang trademark nga personalidad.

Dugay nang nailhan si Kris sa imahe niya nga “maarte “.

Sa iyang pagbalik sa publiko, usa ka netizen ang mipunting sa iyang trademark nga “Kris kaartehan” .

Mitubag si Kris ug mitin-aw  dili na siya sama ka-“maarte” kaniadto.

“Will you believe me if I say I am no longer as ‘maarte’ kaya lang for the material to work I need to go back to how I was?” niya pa.

Gitingoha ni Kris nga  makita na  mismo sa publiko kung unsa na ka dako ang iyang kausaban.

“I would love to do a reality show para makita at marinig nyo how much I have tone down, in my opinion by at least 30%. For most maarte pa rin, for me pang school library na,” dugang pa niya .

Maka-relate sa iyang role

Maka-relate si Judy Ann Santos sa  iyang papel isip talent manager sa Philippine adaptation sa “Call My Manager.”Gipadayag ni Santos nga siya na mismo ang nagdumala sa iyang career sukad nipanaw  ang  iyang dugay nang manager nga si Alfie Lorenzo. Maka-relate gyud siya sa iyang karakter nga dunay dedikasyon sa trabaho bisan pa og adunay mga personal nga hagit nga iyang giatubang.

No. 1 sa Billboard 200

Mikulit na usab og kasaysayan ang South Korean boy group nga Stray Kids human makuha ang ilang ikasiyam nga sunod-sunod nga No. 1 album sa prestihiyosong Billboard 200 chart sa Amerika.  Nakuha sa grupo ang maong posisyon pinaagi sa ilang bag-ong album nga “This & That”.

Ikatulong gabii

Mas daghan pang fans ang makasaulog uban ni Regine Velasquez sa iyang 40 ka tuig sa industriya sa musika human siya nidugang  og ikatulong show sa iyang anniversary concert nga “FINALE.” Gipahibalo sa IMusic Entertainment Inc. nga adunay gidugang  nga concert karong  Oktubre 19, alas 8 sa gabii, sa SM Mall of Asia Arena.Mao kini ang gipuno sa unang mga skedyul sa maong konsyerto  karong  Oktubre 17 ug 18 sa susama nga  venue.

Hayden Panettiere mipanaw

Mitaliwan sa edad nga 36   niadtong Domingo ang American actress nga si  Hayden Panettiere, nga nailhan sa iyang role sa mga pelikulang   'Scream" ug  "Heroes,"  Sa pagsulat niining balitaa , wala pa  gidetalye ang rason sa iyang kamatayon ,apan mihangyo ang pamilya sa aktres nga respitoon ang ilang privacy niining higayona  samtang nagbangotan.

Nalakip usab si Hayden kaniadto sa mga pelikulang  "Remember the Titans," "Raising Helen," ug "Ice Princess." 

Coco ug Julia, mopabuhagay sa ilang kilig scenes

Gipaabot ang daghang kilig ug good vibes ang sunod nga mga episode sa Kapamilya series  nga “Sigabo,” diin makita ang sweet nga mga  eksena sa karakter nila Coco Martin ug Julia Montes. Sa behind-the-scenes nga mga litrato ug teaser video nga gipakita sa ABS-CBN ug CCM Film Productions, makita ang makakilig nga mga eksena nila ni Gabo (Coco) ug Sam (Julia).

Sa usa ka eksena, giatiman ni Gabo si Sam human kini nasamdan. Makita usab ang pagkamalumo ni Gabo samtang iyang giatiman ang dalaga.

Giingong  exciting ang ilang pagtagbo human sa ilang mga away ug engkwentro. Maabot  si Sam sa komunidad ni Gabo human sa usa ka delikadong pakigbisog batok sa grupo sa sindikato. Samtang nagkaduol sila, magpadayon usab si Gabo sa iyang mga misyon batok sa mga kriminal, nga puno sa aksyon ug peligro. Ang “Coco Martin’s Sigabo” kay makita  matag Lunes hangtod Biyernes, alas 8 sa gabii, sa ALLTV2, TV5, A2Z, Kapamilya Channel, Kapamilya Online Live sa YouTube ug Facebook, ug iWant.

Makita  usab kini sa gawas sa Pilipinas pinaagi sa The Filipino Channel (TFC) sa cable ug IPTV.