Lalaki patay sa pamamaril sa Taguig

MANILA, Philippines — Isang lalaki ang patay habang sugatan naman ang isang call center agent ng pagbabarilin ng hindi pa tukoy na salarin sa kasagsagan ng ulan, sa Taguig City, Lunes ng umaga, Agosto 17.

Dead-on-arrival sa pagamutan ang 40-anyos na biktima habang sugatan naman ang 21-anyos. na call center.

Patuloy pa ang isinasagawang imbestigasyon at backtracking at forward tracking sa CCTV footages upang matunton ang tumakas na suspek na inilarawang nakasuot umano ng itim na helmet, asul na sweatshirt, puting pantalon, at nakasakay sa Honda Click motorcycle na kulay gray.

Sa inisyal na ulat, naganap ang insidente dakong alas-5:50 ng umaga sa Pulong Kendi Street sa Brgy. Sta. Ana, Taguig City.

Nakarinig ng putok ng baril ang isang residente at nang alamin ay nakitang nakahandusay sa kalsada ang biktimang napuruhan sa pamamaril.