Angeline, makabaton og talk show sa iWant

CEBU, Philippines — Adunay bag-ong talk show ang pambansang Power Diva nga si Angeline Quinto nga “The Angeline Quinto Show,” nga magdala og lingaw nga panag-istoryahanay ug musical performances uban sa mga celebrity guest.

Sugdan kini karong  Agosto 27, sa iWant, diin unang makuyog ni Angeline ang Unkabogable Superstar nga si Vice Ganda. Hisgutan nila ang pagsugod ni Vice sa showbiz hangtod sa iyang kalampusan isip host sa “It’s Showtime” ug pagka-box-office superstar.

Sa sunod nga episode, si Prince of Pop Erik Santos ang mahimong bisita ni Angeline alang sa chikahan ug kantahan, lakip ang ilang panaghigalaay ug mga kasinatian sa wala pa nila  nakab-ot ang kalamposan sa industriya. Human sa pilot episode sa Agosto 27, sundan dayon sa laing episode  karong  Setyembre 24.

“Paborito”, debut single ni Will Ashley

Gi-release na sa   singer-actor nga si Will Ashley ang iyang debut single nga “Paborito” ubos sa StarPop, nga  kabahin sa iyang umaabot nga album nga “Liham.”

Ang maong heartfelt pop song kay  gisulat nila Will, Maki ug StarPop label head Roque “Rox” Santos, nga mao usab ang producer.

Madungog na kini sa nagkadaiyang  streaming  platforms .

Gidapit usab ni Will ang iyang fans sa paglusad  sa iyang album karong  Setyembre 20.

Gladys, misulod sa recording world

Misulod na sa recording scene ang aktres nga si  Gladys Reyes pinaagi sa iyang unang single nga “Primera Kontrabida,” usa ka novelty-pop song nga inspired  sa iyang mga bantugang kontrabida roles sa showbiz.

Gisaulog sa kanta ang iyang pagkaila isip ‘Primera Kontrabida,’ samtang gipahinumdoman ang listeners  nga ang tinuod nga kontrabida makita sa mga buhat sama sa pagpanglimbong, manipulasyon ug kahakog.

Lakip sa iyang iconic roles nga gipakita sa teaser ang iyang mga karakter sa “Mara Clara,” “Ang Dalawang Mrs. Reyes,” “Ang the Breadwinner Is…” ug “Here Comes the Groom.”

Ang kanta, kay gitagik  ni Jonathan Manalo ug gi-produce  ni Roque “Rox” Santos, ug madungog  na sa nagkadaiyang music streaming platforms.

PBB Collab 3.0

Mobalik ang sikat nga reality show nga “Pinoy Big Brother” pinaagi sa bag-ong season nga PBB Collab 3.0.

Gianunsyo kini sa hosts nga sila Bianca Gonzalez-Intal, Gabbi Garcia ug Kim Chiu sa programang  “It’s Showtime” kagahapon .

Mag-partner gihapon ang   GMA ug ABS-CBN Studios sa maong season.

“Falling into your smile,” maghatod og esports kilig

Ipasalida na sa Pilipinas ang  global hit Chinese romantic drama nga “Falling Into Your Smile,”  sugod karong Agosto 17, alas-10:15 sa gabii sa ALLTV2, Kapamilya Channel, A2Z, ug iWant.

Mga bida  sa serye ang Chinese stars nga sila Xu Kai isip Lu Sicheng, captain sa ZGDX, ug Cheng Xiao isip Tong Yao, usa ka talented gamer nga mahimong miyembro sa all-male esports team.

Nagtuyok ang istorya sa iyang paningkamot nga mapamatud-an ang iyang abilidad sa competitive esports, samtang hinay-hinay usab nga molalom ang iyang relasyon kang Lu Sicheng.

Nagsagol sa  maong serye  ang  romansa, komedya, panaghigalaay ug competitive esports.

Maayo ang tinagdan

Nagkakita  pag-usab ang kanhi mag-uyab nga Kapuso stars nga  sila Mikee Quintos ug  Paul Salas sa usa ka espesyal nga kalihokan sa ilang higala .Matud sa Mikee , okay na siya karon ug maayo ang pagtinagdanay nila ni Paul. Nagkumustahay sila ug pabilin nga tulin  sa  pagpadayon sa ilang tagsa-tagsa ka kinabuhi.

Wala malain

Gitataw  ni Dimples Romana nga wala ra siya malain human wala maimbitar sa kasal nila Bea Alonzo ug Vincent Co. Matud sa aktres, dugay na kaayo silang maghigala ug hamtong na sila busa wala sa ilang bokabolaryo ang pagpangloud.  Malipayon hinoun siya alang sa bag-ong hugna sa kinabuhi sa iyang soud nga higala nga si Bea.

Eurovision Song Contest Asia 2026

Ilusad na sa ABS-CBN karong  Agosto 17, alas-6 sa gabii, ang 10 ka awit nga magtigi  aron mahimong opisyal nga entry sa Pilipinas sa Eurovision Song Contest Asia 2026.Nalakip ang “Between Bituin” (DNA), “Broken Beyond Repair” (SAGA), “Cheri(e)” (Elha Nympha, Esang de Torres, Lance Reblando ug Nar Cabico), “Di ‘Yan (Red Flag nga gilangkoban Nila Jason Dy ug Sassa Dagdag), “Good For You” (Ryssi Avila), “Make It Exist” (AJAA), “Mapadama” (JM dela Cerna ug Marielle Montellano), “Reason to Leave” (KHIMO), “Round N’ Round” (Vvink ug WRIVE Russu), ug “Sobra-Sobra” (Carmelle). Ang mananaog pilion sa “Pili, Pinas! Philippine Selection Night” nga  mahitabo karong Agosto 30.