Jeep sumalpok sa puno: Lola dedo, 11 sugatan

MANILA, Philippines — Idineklarang dead-on-arrival sa ospital ang isang 72-anyos na lola habang nasugatan ang 11 nang sumalpok sa puno ng mahogany ang sinasakyan nilang pampasaherong jeep sa kurbadang kalye ng Barangay Bacungan, Lopez, Quezon, kamakalawa.

Kinilala ang nasawing si Lola Aguila, residente ng Brgy. Poblacion, Buenavista, Quezon. Habang ang diver at 10 pasahero ay dinala sa Quezon Provincial Hospital Network-Magsaysay para malapatan ng lunas.

Sa ulat ng Lopez Municipal Police Station, patungong Buenavista, Quezon ang passenger jeep na minamaneho ni alyas “Pablo” nang maputol ang tie rod nito na naging dahilan upang mawalan ng kontrol at sumalpok sa puno na nasa tabi ng highway.