‘SiPons’ hahataw sa World Beach Pro Tour
MANILA, Philippines — Matapos ang Alas Pilipinas Women, sina Sisi Rondina at Bernadeth Pons naman ang papagitna sa kanilang pagsabak sa FIVB World Beach Pro Tour Futures sa Busan, South Korea.
Sasalang ang tinaguriang ‘SiPons’ sa beach volleyball tournament na magsisimula ngayong araw at magtatapos sa Linggo.
Hangad nina Rondina at Pons na maduplika kung hindi man ay malampasan ang kanilang silver medal finish sa nakaraang AVC Beach Tour Pingtung Open noong Hulyo sa Chinese Taipei.
Umaasa sina Rondina at Pons, hinataw ang kauna-unahang women’s beach volleyball gold medal ng bansa sa Southeast Asian Games noong 2025 sa Thailand, na masusundan nila ang nakamit na silver medal ng Alas Women sa 2026 Southeast Asia (SEA) V Cup Women’s Volleyball Championship Leg 2.
Swak kaagad sina Rondina at Pons sa main draw ng World Beach Pro Tour bilang third seed.
Kamakailan ay hinirang sina Rondina at Pons bilang Fans’ Choice Women’s Beach Volleyball Team sa AVC Gala Awards.
Bukod kina Rondina at Pons, tatarget din ng gold medal ang tambalan nina Dij Rodriguez at Gen Eslapor at ang dalawahan nina Khylem Progella at Sofiah Pagara.
Dadaan pa ang dalawang pares sa qualification stage at umaasang makakasama ang ‘SiPons’ sa actual play.
- Latest
