2 HVI sa drugas, nangadakpan

CEBU, Philippines — Nadakpan ang usa ka 37-anyos nga giila sa kapulisan nga high-value individual (HVI) sa buy-bust operation sa Sitio Cambyoos, Barangay Sirao, Cebu City, alas-8:25 sa gabii niadtong Biyernes, Agosto 7. Giila ang nadakpan nga si alyas Charfol 37, residente sa Barangay Sirao. Matud sa kapulisan, kapin 75 gramos nga giingong shabu nga gibana-banang P510,000 ang nasakmit gikan sa iya atol sa operasyon nga gipangulohan sa PNP DEG SOU 7, uban sa CCPO Police Station 12, PDEA-7, IMEG-7, PIT ug RIU-7.

Nasakmit ang tulo ka heat-sealed plastic packs nga adunay suspected shabu usa niini ang giingong subject sa buy-bust transaction ug duha ka lain putos ebidensya gikan sa suspek. Nasakmit usab ang usa ka bundle sa boodle money, lakip ang usa ka tinuod nga P1,000 marked bill. Nadakpan sab ang laing regional drug target nga 44-anyos sa joint buy-bust operation sa Caimito St., Barangay Mambaling, Cebu City adtong Sabado sa hapon, Agosto 8. Ang suspek nga si alyas Giegy, residente sa Barangay Duljo Fatima nakuhaan og 100 gramong gidudahang shabu nga nagkantidad og P680,000.

Ang operasyon gipangunahan sa PDEA-7 inabagan sa Cebu City Police Office, PNP Drug Enforcement Group-SOU7, and Police Station 11. Pasakaan sila og kasong paglapas sa Sections 5 ug 11 sa Republic Act 9165, o Comprehensive Dangerous Drugs Act of 2002. — /IBM (BANAT NEWS)