Pastoral nga Pamaagi ni San Patricio

Pagpasaylo

Bisan pa man sa mga nahiagoman ni San Patricio sa mga tawo nga nibihag ug nilutos kaniya, siya ang andam ug tagana nga nibalik ngadto sa mga tawo nga maoy nakaingon sa iyang kasakitan sulod sa unom ka mga katuigan aron dad-on ang mensahe ni Kristo Jesus.

Pagkamasinugtanon sa Dios

Ang pagdapit kaniya nga mobalik sa Ireland pinaagi sa panan-awon ang iyang gisanong uban ang tumang pagkamanggihatagon sa kaugalingon. Wala niya igsapayan ang mga panglutos, ug kalisud nga mahimong iyang mahiagoman.

Kinahanglang Andam Kanunay alang sa usa ka Espirituhanong Pakiggubat

Mao kini ang hinungdan kun nganong natagik niya ang iyang pag-ampo nga gigamit gihapon hangtud karon ang LORICA OF ST. PATRICK kun Breastplate of St. Patrick.

Iampo ang imong mga Katawhan

Ang pag-ampo dili lang alang sa kaugalingon kondil kanila usab nga anaa sa pag-atiman sa Magbalantay. Si San Patricio dili lang Obispo kondili Magbalantay nga dunay dakong Pagpakabana sa iyang Panon. Butang nga angayang buhaton sa matag kura paroko sa matag Parokya bisan diin.

Walay Laing Hari Gawas ni Jesus

Nga diha sa pag-ebanghelyo walay laing hari ug isangyaw gawas ni Kristo Jesus ang hari sa mga hari. Ang tinuod nga Magbalantay ang moyukbo dili sa kalibotanong panghunahuna kondili sa panghunahuna nga langitnon ug Kristohanon.