Bashers gipikhan ni Chad
CEBU, Philippines — Mitingog na ang basketball star nga si Chad Gammad aron depensahan ang iyang uyab nga si Apple David batok sa mga kritisismo nga iyang nadawat. Nasayran nga suki kaayo ang iyang uyab sa mga pagsaway gumikan kay taas kini og edad.
Suma pa ni Chad nga walay gibuhat nga daotan si Apple. “Mag-isip-isip naman kayo bago kayo mag-comment o baka may sira talaga sa utak niyo,” suma pa ni Chad.
Nakabalibad og mga proyekto
Miangkon ang Kapuso actor nga si Ruru Madrid nga nakabalibad na siya og pipila ka mga proyekto tungod sa iyang pagtuo subay sa iyang relihiyon.
Sa iyang pakighinabi kang “King of Talk” Boy Abunda sa programa nga Fast Talk, gibutyag ni Ruru nga dili sayon ang pagdesisyon nga isalikway ang pipila ka oportunidad, apan wala usab kini nagpasabot nga limitado na ang iyang mga role isip aktor.
Si Ruru kay miyembro sa Iglesia Ni Cristo. “Totoo yun, marami nang mga bagay na natanggihan ko just because of my faith,” matud ni Ruru.
Migradwar na gyud
Wala gayod mohunong ang aktres nga si Cai Cortez sa pagpaningkamot nga makab-ot ang iyang damgo nga makakuha og college degree. Malipayong gibalita ni Cai nga nakagradwar na siya sa kolehiyo ug nakakuha og Bachelor’s Degree sa Political Science sa University of Makati. Kahinumdoman nga dunay mga higayon nga nakaundang siya sa pag-eskwela kaniadto busa nalangan og 20 ka tuig ang paghuman niya sa kolehiyo.
- Latest
