ARZA molugwa sa Gen Z Live: Cebu 

CEBU, Philippines — Ang homegrown P-pop group sa Sugbo nga ARZA kay lakip sa manghugyaw  sa Gen Z Live: Cebu pinaagi sa ilang opening performance karong Hulyo 26, 2026 sa Waterfront Cebu City Hotel & Casino.

Gipasiugdahan sa L-Squared Productions PH  ang  Gen Z Live: Cebu  ug  maghiusa sa  P-pop groups sa nasud ,  ang G22, VXON, ug AJAA.

Nailhan pinaagi sa ilang debut single nga “FAYAH,” paspas nga nakadani og suporta ang ARZA tungod sa ilang hapsay nga synchronized choreography nga nagpakita sa kusog ug lig-ong talento  sa kabatan-onan karon.

Ang ilang masaligon nga presensya sa entablado ug ang ilang pagka- Sugbuanon  maoy nakapahimo kanila nga mahimong angayan nga opening act sa maong kalihokan nga nagsaulog sa padayon nga pagtubo sa Filipino pop music ug sa kusgan nga fandom culture niini.

“Gen Z today connects deeply with music, live experiences, and fandom culture, and P-pop naturally became part of that generation.

Through Gen Z Live, we want to celebrate both the rise of P-pop and the fans who continue to support Filipino artists in such a passionate way,”suma pa  ni Ailene Liado, Chief Operating Officer sa L-Squared Productions.

Mapalit sa SM Tickets nationwide  ang mga tiket sa concert, nga nagkantidad og P1,500 alang sa general admission hangtod P5,500 alang sa VIP access nga adunay photocard sets, soundcheck entry, ug meet-and-greet privileges.

Sa dili pa magsugod ang main concert, adunay libre nga pre-show performance gikan sa G22, VXON, ug AJAA sa SM Seaside City Wing Atrium .alas-2 sa hapon. 

Bag-ong hugna ni JMKO sa musika

Gibuksan sa Filipino singer-producer nga si JMKO ang bag-ong hugna  sa iyang musical journey pinaagi sa pag-release  sa iyang labing bag-ong single nga “Malibu,” usa ka cinematic coastal-pop song nga naghisgot sa handumanan, identidad, gugma, ug pagpangita sa kaugalingong lugar sa kinabuhi.

Ang “Malibu” maoy  unang single sa umaabot niyang EP nga magsaysay sa iyang personal nga mga kasinatian isip usa ka Filipino artist .

Nailhan si JMKO sa milyon-milyong netizens pinaagi sa iyang viral nga “Popcorn Duets” series sa TikTok.

“Malibu is about how places can hold pieces of people. Sometimes you think you’re remembering someone else, but you’re really remembering a version of yourself that existed during that time. That’s what this song feels like to me,” matod ni JMKO. Madungog ang  “Malibu” sa nagkalain-laing music streaming platforms.