Green migalgal ni LeBron aron moduwa sa Warriors
CEBU, Philippines — Ang forward sa Golden State nga si Draymond Green migalgal ni LeBron James aron moduwa uban sa Warriors sa sunod nga bahin sa iyang karera sa NBA.
Gidetalye ni Green ang iyang paghaylo ni James pinaagi sa iyang podcast kagahapong adlawa.
Si Green nanghinaut nga makaduwa siya tupad sa NBA all-time leading scorer sa umaabot nga season.
Bag-ohay pa silang nagkuyog ni James ug iyang kining gi-engganyo nga motapon sa ilang koponan.
"I'd be remiss if I don't take the opportunity to throw my pitch in there," matud pa ni Green. "I'd be crazy if we're together for x amount of days and at no point am I like 'Yo, we need to chop it up. What the hell going on? What we doing?'
"Of course I did that and of course the pitch was crazy. Does it change anything? Does it make anything happen? I don't know. I hope so," dugang pa ni Green nga usa ka four-time NBA champion sama ni James.
Ang 41-anyos nga si James nanamilit na sa Los Angeles Lakers sa miaging semana ug dili mominus 10 ka teams ang buot mokuha kaniya. Apil niini ang Warriors ilabi na kay si James mipadayag nang daan sa iyang tinguha nga makauban ang dugay na niyang higala nga si Stephen Curry.
Nagtoo hinoon si Green nga sa pagka karon si James wala pa makahimo og desisyon kabahin sa sunod niyang destinasyon.
Gawas sa Warriors, interesado sab ni James ang Cleveland Cavaliers, Miami Heat, Philadelphia 76ers, Minnesota Timberwolves, Denver Nuggets, Boston Celtics, San Antonio Spurs, ug Dallas Mavericks.
- Latest
