Bangkay ng lalaki, lumutang sa estero

MANILA, Philippines — Isang bangkay ng lalaki ang natagpuang palutang-lutang sa isang estero sa Sta. Ana, Maynila, kamakalawa.

Inaalam pa ng mga otoridad ang pagkakakilanlan ng biktima na inilarawang nasa 15 hanggang 20-anyos, katamtaman ang laki ng pangangatawan, may taas na hanggang limang talampakan at walang suot na damit pang-itaas.

Sa inisyal na ulat ng Manila Police District (MPD)-Homicide Section, alas-7:56 ng umaga nang madiskubre ang bangkay ng biktima habang palutang-lutang sa Buhangin Creek sa Sta. Ana ng nagpapatrulyang  security guard.

Kaagad niya itong ini-report sa mga otoridad upang maiahon ang bangkay at maimbestigahan.

Hinala ng mga awtoridad na posibleng inanod lang sa lugar ang bangkay.