Sen. Marcoleta pabiling naa sa ospital tungod sa taas nga BP

CEBU, Philippines — Si Senator Rodante Marcoleta gikonsiderar nga “not fit to stand trial” human makasinate og panakit sa dughang ug liog human sa pagdakop kaniya niadtong Lunes, Hulyo 6 suma pa sa Philippine National Police (PNP) Health Service.

Suma pa ni P/Lt. Col. Benaly Bayani, Chief of Internal Medicine sa PNP Health Service, nga bisan og ni arang arang ang kondisyon sa senador apan padayon kini nga nakasinate og sakit sama sa chest tightness, neck pain, ug dili stable nga blood pressure. Si Marcoleta pabilin nga gipaubos sa medical observation sa PNP General Hospital ug kinahanglan pa kini og laboratory tests alang sa dugang evaluation.

Nagkanayon si Bayani nga pabilin nga dili pa stable ang blood pressure sa 72 anyos nga senador hinuon ang iyang kondisyon gikonsiderar nga clinically stable.

“Hindi pa po stable ang blood pressure niya sa ngayon. Pwede po nating sabihin na clinically stable siya kasi ang symptom po ay on and off, pero yung blood pressure niya hindi po stable, fluctuating po talaga,” segun pa ni Bayani.

Sa nasayran si Marcoleta gidala sa ospital niadtong Lunes human mireklamo og pagpanakit sa iyang dughan human siya gidakop may kalabutan sa iyang kasong plunder. Gikan sa Philstar/MEL BANAT NEWS