JM gidayeg nila Direk Joey ug Joel

Nipadayag sa ilang pagdayeg ang duha ka banggiitang direktor nga sila Joel Lamangan ug Joey Reyes ngadto sa abilidad sa pag-arte sa batan-ong aktor nga si JM Ibarra busa gitingoha nila nga makatrabaho kini.

Sa ilang guesting sa Fast Talk with Boy Abunda, gipangutana sila kung kinsa ang ilang giisip nga standout sa mga batan-ong artista karon.

Suma pa ni Direk Joey, nakakita siya sa mga pelikula ni JM nga Child No. 82 ug Almost Us ug saludo siya sa talento sa aktor.

Miingon usab siya nga kung makabalik siya sa pagdirek og pelikula, nanghinaut siyang matagaan siya og higayon nga makatrabaho si JM.

Samtang si Direk Joel sa iyang bahin, nipadayag kini nga maayo gyud moarte si JM.