Diesel, posibleng pumalo sa P3/L

MANILA, Philippines — Posible umanong tumaas ng hanggang P3 kada litro ang presyo ng diesel sa susunod na linggo.

Ayon sa isang industry source, ito ay base sa ­unang apat na trading days ng Mean of Platts Singapore at foreign exchange movements.

Batay sa pagtaya, maaaring magkaroon ng P1 hanggang P3 kada ­litro na pagtaas ang ­presyo ng diesel sa ­Hulyo 7.

Samantala, ang ­presyo naman ng gasolina ay maaaring bumaba o tumaas ng hanggang P1 kada litro.

Karaniwan nang iniaanunsiyo ng mga kum­panya ng langis ang pinal na price adjustment ng mga produktong petrolyo sa bansa tuwing araw ng Lunes at ipinaiiral naman kinabukasan, araw ng Martes.