“Someone, Someday” magsugod karong Hulyo 27

CEBU, Philippines — Magsugod na karong  Hulyo 27 ang bag-ong primetime series nga “Someone, Someday,” nga gibidahan ni Kathryn Bernardo.

Sa bag-ong teaser nga gi-release   sa ABS-CBN, gipakita  ang karakter ni Kathryn isip usa ka lig-on ug independenteng babaye nga maayong ate, boss, ug best friend. Makita usab ang iyang mga eksena uban sa iyang  co-stars nga sila James Reid ug Maja Salvador.

Makita  ang “Someone, Someday” sa ALLTV2, TV5, A2Z, Kapamilya Channel, Kapamilya Online Live, TFC, iWant, ug mag-una  usab kini  sa Netflix.

12 ka finalists magbangga sa Pangpang Idol

Magtapok ang labing maayong mga mag-aawit gikan sa Bantayan Island ug nagkalain-laing bahin sa Cebu alang sa “Pangpang Idol with Goyang Cares Season 2” nga mahitabo  ugma ,  Hulyo 4, 2026 (Sabado) alas-7:00 sa gabii diha sa Santa Fe Public Plaza.

Suma pa sa tinugyanan sa  Pangpang Bar and Restaurant sa Santa Fe nga maoy  nagdumala sa kompetisyon ,  adunay  12  ka finalists ang magtigi gikan sa 50 nga nipaubos og audition .

Ang maong kalihokan kay usa ka charity event kun din  ang matigom  sa maong programa kay ihapak   sa mga proyekto ug kalihokan sa Goyang Cares Organization. 

Jonathan Manalo mikulit  og 10.2 billion streams

Nakaabot og kapin sa 10.2 billion all-time music streams sa nagkalain-laing digital platforms ang mga mugna sa songwriter-producer nga si Jonathan Manalo. Nagpasalamat si Manalo sa padayon nga suporta sa mga tigpaminaw, nga iyang giingong maoy dakong hinungdan sa pagkab-ot sa maong milestone.

Siya ang nagsulat ug nagprodyus sa hit songs nga “Pinoy Ako,” “Tara Tena,” “Gusto Ko Nang Bumitaw,” “Pagbigyang Muli,” ug “Patuloy Ang Pangarap,” nga gipasikat sa  OPM artists nga sama nila Gary Valenciano, Regine Velasquez-Alcasid, Sarah Geronimo, Moira Dela Torre, SB19, BINI ug uban pa.

Ai-Ai ug Osang, nagtingog na!

Human sa 25 ka tuig nga panagbikil , hingpit na gyud nga nagtagad  sila  Ai-Ai delas Alas ug Rosanna Roces ug nahitabo kini atol sa taping sa seryeng My Bespren Emman niadtong Miyerkules.

Nagkaistoryahanay ang duha sulod sa tent .

Gikalimtan na nila ang mga butang nga maoy nakaputol sa ilang panaghigalaay kaniadto .