Bahay niratrat: Lalaki utas, 2 tattoo artist sugatan
MANILA, Philippines — Patay ang isang lalaki habang dalawa pa ang sugatan makaraang paulanan ng bala ng hindi pa nakilalang mga armadong kalalakihan ang isang bahay sa bayan ng Argao sa Cebu nitong Martes ng gabi.
Sa ulat ng Argao Police, ang nasawing biktima ay isang 36-anyos na lalaki habang sugatan ang dalawang tattoo artist na mabilis na isinugod sa pagamutan.
Sa imbestigasyon, nasa sala ang biktima at nagpapa-tattoo nang biglang sumulpot sa lugar ang isang kotse at isang motorsiklo sakay ang mga salarin.
Pagtapat sa tahanan ng mga biktima sa Brgy. Capioan, Argao ay bigla na lamang pinagbabaril ang nasabing bahay. Ang 36-anyos na lalaki ay dead-on-the-spot sugatan ang dalawang tattoo artist habang isa pa ang masuwerteng nakaligtas matapos na magtatakbo na dumaan sa likurang pintuan ng naturang bahay.
- Latest
