JMFyang magpares sa “Will You Fake Marry Me?”
CEBU, Philippines — Subling magpares sila JM Ibarra ug Fyang Smith sa bag-ong vertical rom-com sa iWant nga “Will You Fake Marry Me?”, nga magsugod karong Hunyo 30.
Sa maong serye, si June (Fyang), usa ka tocino promoter, magpakaaron ingnon nga engaged sa iyang CEO nga si Ping (JM) aron makuha ang kabilin sa iyang paryente. Aron makab-ot kini, kinahanglan nilang pamatud-an nga tinuod ang ilang gugma bisan peke lamang kini sa sinugdanan. Ang “Will You Fake Marry Me?” kay ubos sa direksyon ni Jojo Saguin .
Pagkanta gisudlan ni John
Gilusad na sa multi-awarded Kapamilya star nga si John Arcilla ang iyang single ubos sa Star Music nga “Ano Ba ‘Yan, P***nyeta” subay sa pagsaulog sa iyang birthday niadtong Hunyo 24 .Suma pa sa aktor nga gisulat niya ang kanta aron mahimong paagi sa mga tawo sa pagpagawas sa ilang gibati taliwala sa kasaba ug kagubot sa palibot.Madungog na ang maong awit sa nagkadaiyang music streaming platforms.
Kris mibisita sa EB
Usa ka makapahimuot nga sorpresa ang nahitabo sa “Eat Bulaga” sa niaging adlaw sa dihang kalit nga mibisita si Kris Aquino sa programa diin guest host ang iyang anak nga si Bimby Aquino Yap.Ang iyang pagbisita nahimong usa sa mga labing gihisgotan nga episode sa maong noontime show.
SB19 mo-perform sa GRAMMY museum
Dugang kalamposan ang maangkon sa SB19 gumikan kay molugwa kini sa Global Spin Live sa GRAMMY Museum sa Los Angeles karong Hulyo 28.Human niini, magpadayon ang SB19 sa pa glawig gumikan kay mahimo sila nga kabahin sa Lollapalooza sa Chicago karong Hulyo 30.
- Latest
