World-class nga pasundayag , mahitabo sa Miss Badian 2026
CEBU, Philippines — Gibutyag sa mga nagdumala sa Miss Badian 2026 nga seguradong malingaw ang mga motan-aw sa maong pageant nga mahitabo karong Hulyo 23 sa sa dakong hawanan sa Badian National High School gumikan kay usa kini ka elegante ug world-class nga pasundayag nga siguradong makapahingangha sa tanan.
Gibutyag sa nagdumala sa MJR Creatives and Production nga si Mhike Jelord Rollo nga ang ikaduhang edisyon sa Miss Badian 2026 kay magdala og bag-ong disenyo sa entablado, mas dinamikong produksyon ug mas makalingaw nga mga kalihokan gikan sa pre-pageant activities hangtod sa grand coronation night.
Dugang pa ni Rollo, dako ang gihimong pagpangandam sa tibuok team aron masiguro nga hapsay ang matag kalihokan ug malingaw ang mga tumatan-aw.
Suma pa niya nga makugang ang katawhan sa katahom ug kalidad sa maong indigay .
Ang 16 ka official candidates kay sila Angel Grace Mangaron, Maria Ludwig Kimmereth Adabo, Rainne Yzabel Felizarta, Shyla Dhey Gorres, Annika Kirsten Rusiana, Clover Jane Morris, Brhlegryl Chelsea Barinan, Mariah Marah Paraol, Mary Honeylette Lang-lang, Mary Love Lopez, Aliyah Kim Regalado, Jessa May Samson, Kiona Stroobants, Nadine Faith McCoy, Samantha Faye Yapit, ug Jennifer Dela Cerna.
Tumong sa indigay ang pagpasundayag sa katahom, talento ug adbokasiya sa kababayen-an samtang gipasiugda usab ang sustainable tourism sa Badian. Si Badian Mayor Jerome Christian V. Librando kauban si reigning Miss Badian 2025 nga si Erica Jean Cadayday maoy nangulo sa sashing ceremony sa official candidates .
- Latest
