P10.74 bilyong CAIIS project magpapalakas sa border security -- BI
MANILA, Philippines — Isang ganap na integrated at pambansang sistema ng seguridad sa hangganan na higit pa sa NAIA ang kailangan ng Pilipinas.
Isang sistemang gumagamit ng artificial intelligence, biometrics, at real-time data sorting upang hulihin ang mga human trafficker, terorista at iba pang kriminal bago pa man sila makatawid sa mga pintuan ng bansa.
Ayon sa Bureau of Immigration, ang iminungkahing Civil Aviation and Immigration Security Services (CAISS) project ay eksaktong nag-aalok nang hindi gumagastos ang gobyerno kahit isang piso.
Sinabi ni BI spokesperson Dana Sandoval na plano ang nag-udyok para sa P10.74 bilyong unsolicited proposal para sa isang Public-Private Partnership (PPP) project na kasalukuyang nasa ilalim ng interagency review.
“Ang kagandahan po nitong proyektong ito ay end-to-end. So mula frontline, data processing, data collection, data assessment, pino-provide po nitong entire system na ito at hindi po ito centralized lang in NAIA”, wika ni Sandoval.
Ang pambansang proyekto ay maaabot ang lahat ng 11 international airports isang international seaport sa Zamboanga, at 6 na border crossing station.
Idiin pa ni Sandoval na ang CAISS project ay magbibigay sa mga otoridad ng isang makapangyarihang bagong kasangkapan upang masuri ang mga pasahero ng matalino.
Nilinaw naman ni Sandoval na wala pang kontratang napipirmahan at walang koleksiyong ginagawa.
- Latest
