Myrtle  nakuotan og cellphone

CEBU, Philippines — Wala na gyud nabalik ang cellphone ni Myrtle Sarosa nga gikout  atol  sa usa sa mga kalihokan nga iyang gitambongan. Nitanyag pa siya og P30,000 nga reward apan napakyas   gihapon siya sa pagkuha og balik sa iyang cellphone. Sakit kaayo alang kaniya nga mawala ang  importante niya nga files.

Fan sa BTS

Fan si Lea Salonga sa grupong BTS busa usa siya sa mga nitan-aw sa Arirang concert sa maong grupo didto sa Busan sa niaging gabii. "Feet hurt... legs are rubbery... but boy what a day! Seeing [BTS] in Busan was worth it!" Instagram story sa singer.

Mobalik sa music scene

Magtapok og balik ang mga miyembro sa banda nga Barbie's Cradle pinaagi sa umaabot nila nga concert karong Agosto 1 sa Music Museum. Kahinumdoman nga sikat kaayo ang maong banda niadtong  1990s. "We’re excited to revisit the greatest hits and misses while also sharing new songs that reflect where we are now in our lives both as musicians and human beings,"  suma pa sa bokalista niini nga si  Barbie Almalbis.

“First Day High” ni Esnyr, gibahaan og big stars

Naukyab  ang fans Esnyr Ranollo gumikan kay gibahaan og bigatin nga mga artista  ang iyang YouTube comeback nga “First Day High” nga gipakita na dili pa lang dugay. Sa 53-minutos nga video, gitapok ni Esnyr ang mga dagkong ngalan sa industriya sa iyang  high school-themed nga show ug kini sama nila  Vice Ganda, Donny Pangilinan, Belle Mariano, Enchong Dee, Mimiyuuuh, Queen Pitik, Anthony Constantino, ug Empoy Marquez.

Nalakip usab sa maong video ang iyang mga kauban kaniadto sa Pinoy Big Brother nga sila Klarisse de Guzman, Shuvee Etrata, Mika Salamanca, Will Ashley ug Brent Manalo.

“Usapang FIRST DAY OF SCHOOL muna tayo!!! ‘Yung kakasimula pa lang ng eskwela pero ‘yung diwa mo nasa bakasyon pa. Balikan natin ang mga kaganapan sa unang araw ng pasukan. Relate ka ba?”l,”  deskripsyon sa maong  video.

Fête de la Musique, gipalapdan og maayo

Gipaabot ang dili basta-basta nga mga pasundayag sa gipalapdan nga Fête de la Musique 2026, nga nagtimailhan sa padayon nga paglawig sa music industry sa  Sugbo.

Pipila ka adlaw kini nga  kasaulogan nga naghiusa sa artists, tigpaminaw, ug mga komunidad sa pagpasundayag sa talento ug kultura pinaagi sa musika. Ang maong kalihokan gipresentar sa Alliance Française de Cebu ug Melt Records.

Sugdan ang kasaulogan karong Hunyo 18 pinaagi sa “French Notes & Cebuano Voices” nga ipahigayon sa lobby sa Marco Polo Plaza Hotel ,alas-7 sa gabii.  Ang konsiyerto kay langkoban nila  Maxime Zecchini, ug  Huni Habagat Choir sa University of Southern Philippines Foundation nga gipangulohan ni Nino Banares. Idalit kini sa Alliance Francaise de Cebu ug  Arts Council of Cebu Foundation

Suma pa ni  Nicolas Facino, executive director sa Alliance Française de Cebu, ang Fête de la Musique kay usa ka pagsaulog sa lokal nga mga talento ug sa nagkalain-laing porma sa artistikong ekspresyon nga naghiusa sa mga komunidad pinaagi sa musika.

Mosunod ang Main Stage Weekend karong  Hunyo 20 ug 21 sa Ayala Malls Central Bloc diin mo-perform sila  Zeke Abella, The Sundown, ug Sansette.

Nagkanayon si  Dexter Sy, festival director ug co-founder sa Melt Records, usa kini sa labing gihulat nga kalihokan sa lokal nga komunidad sa musika matag tuig.

Gawas sa main stage, ipahigayon usab ang Cebu Pocket Stages, diin kapin sa 60 ka performers ang mopasundayag sa  nagkalain-laing lokasyon.

Kean ug Angel nag-uban sa “Give Me A Kiss” MV

Gipatagamgam ni Kean Cipriano ang music lovers sa iyang  lawom ug emosyonal nga kasinatian pinaagi sa iyang bag-ong music video nga “Give Me A Kiss.” Gi-release sa niaging adlaw ang  music video sa maong blues-rock nga kanta nga nahimong usa ka sinematikong pagsusi sa atraksyon, kasuod, ug tinuod nga koneksyon tali sa mga tawo.

Nilugwa sa music video ang aktres nga si Angel Aquino ug ubos kini sa direksyon  sa Cinemalaya award-winning filmmaker nga si Jaime Pacena III.

Mao kini ang subling panag-uban nila Kean ug Angel human sila nagkatrabaho  kaniadto  sa hit series nga “Senior High.” Apan sa “Give Me A Kiss,” lahi ang emosyonal nga kahimtang nga ilang gipakita, diin ang sentro mao ang atraksyon, tensyon, ug kasuod tali sa duha ka karakter.