Dumagueteño sportsman mapasigarbuhon

CEBU, Philippines — Gikan sa pagkumpleto sa makutas nga triathlon ug Ironman nga mga lumba ngadto sa malisud nga open water swim sukad siya gipaubos sa usa ka total hip replacement, si Irwin Noel Ramas-Uypitching mipadayon sa inspirasyonal niyang  pagbalik sa natad sa paugnat sa kusog.

Ning higayona, pinaagi sa pagtapos sa usa ka ultra marathon nga midagan og 44 ka kilometro.

Dili sa patag nga kadalanan apan sa tungason ug malisud nga rota sa kabukiran nga nagdugang sa pagkahalandumon sa iyang kasinatian.

Ang tinamod nga Dumagueteño sportsman mikab-ot og laing dungog human siya nakalampos sa Rice Terraces Marathon 2026 niadtong Hunyo 7 didto sa Hungduan Eco-Village sa Hungduan, Ifugao.

"It was a great and rare experience. First time joining this kind of off-road mountain trail ultra marathon," matud pa ni Uypitching, nga usa ka sikat nga personalidad sa Philippine motocross racing sa iyang panahon.

"The terrain was very challenging. I did not expect the route to be that technical and difficult. It turned out to be the most exhausting endurance event that I participated, even harder than the standard pavement marathons, Ironman 70.3, and full Ironman distance races," dugang pa niya.

Bisan pa man niini, ang 46-anyos nga si Uypitching nalingaw og maayo nga midagan sa usa sa labing nindot nga talan-awon sa tibuok kalibutan samtang nakat-on sa maanindot nga kultura ug kasaysayan sa Ifugao.

Uban sa iyang mga teammates sa TriOne ug Achtung Larga Biya nga sila si Harold Piñero, Raymond Alo, Recardo Cordova, Mariano Gamo ug Fernand Budo Maquiling ug coach Dionesio Niño Piñero, si Uypitching nagkanayon nga misalmot siya sa talagsaon nga marathon sa bukid dili lamang sa makadani nga talan-awon apan aron sab matestingan nga bag-ong gipuli niyang bat-ang ug giayo nga ankle injury.

Maayo ra hinoon ang tanan alang ning tinamod nga atleta gikan sa gibansagan nga City of Gentle People.

"The feeling of finishing the race was very satisfying because by God’s grace, I was able to complete the course without experiencing any issues with my hip, ankle and knee prosthesis," dason pa sa general manager sa RUSCO Motors.

"Since the test run on my newly replaced hip and repiared ankle injury was successful, God willing I could complete my remaining World Marathon Majors then just join whatever exciting endurance events that I feel like joining together with my kids this time so I can spend quality time with my family," panapos pa ni Uypitching.