45 na ang nasawi sa M7.8 lindol sa Mindanao
MANILA, Philippines — Iniulat kahapon ni Office of Civil Defense (OCD) Deputy Administrator Bernardo Rafaelito Alejandro IV na nasa 45 katao na nasasawi sa pagtama ng magnitude 7.8 na lindol sa Mindanao na ang karamihan ay mula sa Davao Occidental.
Sa nasabing bilang na nasawi ang 18 dito ay mula sa Sarangani, 15 sa South Cotabato, 11 sa Davao Occidental at 1 sa Davao del Sur.
Tumaas din ang bilang ng mga nasugatan na nasa 630 katao habang 17 pa ang nawawala na ang 13 dito ay mula sa Davao Occidental at 4 ay mula sa General Santos City.
Ayon naman sa National Disaster Risk Reduction and Management Council (NDRRMC) nasa 33,596 pamilya o 149,372 katao mula sa 184 barangays sa Zamboanga Peninsula, Davao Region, Soccsksargen at Bangsamoro Autonomous Region (BARMM) sa Muslim Mindanao ang naapektuhan ng lindol.
- Latest
