Gatchalian bloc, malapit nang maging 13 — Bam
MANILA, Philippines — Inihayag ni Senador Bam Aquino na malapit nang maging 13 ang miyembro ng grupo ni Senador Sherwin Gatchalian upang tuluyan nang mahalal bilang senate president.
Magugunita na ilang araw nang nagkakaroon ng deadlock sa Senado dahil tumanggi si Senate President Alan Peter Cayetano na bumaba sa puwesto hangga’t walang 13 ang bilang ng bagong mayorya alinsunod sa 1987 Saligang Batas.
Ang nasabing “tunggalian” sa pagitan ng dalawa ay nagdudulot ng kalituhan sa mga empleyado.
Kabilang si Aquino sa grupo ni Gatchalian na bomoto rin upang maging Senate President Pro Tempore ito.
Bagaman at nagkaroon ng sesyon noong Hunyo 3 matapos sumipot sa plenaryo si Senator Francis “Chiz” Escudero hindi naman nakapaghalal ng bagong Senate President dahil 12 lamang ang bilang ng grupo ni Gatchalian.
Naideklarang bakante ang lahat ng posisyon sa Senado at napalitan ang posisyon ng Senate President Pro Tempore pero kailangan pa rin ang boto ng 13 senador para sa bagong Senate President.
- Latest
