Nasubo sa petisyon

CEBU, Philippines — Hilabihan ang kaguol ni Dennis Padilla gumikan sa  petisyon sa iyang anak nga si Claudia Barretto sa korte aron legal nga usbon ang iyang apelyido gikan sa Baldivia ngadto sa Barretto. Ang Baldivia mao ang tinuod nga apelyido ni Dennis nga maoy gigamit usab sa iyang mga anak sa kanhi asawa nga si Marjorie Barretto nga sila Julia, Claudia, ug Leon.

Ryan miklaro nga walay third party sa breakup nila ni Paola

Walay third party o pagluib nga nahitabo sa panagbulag nila ni Ryan Bang ug sa iyang kanhi hinigugma  nga si Paola Huyong, kini maoy gitin-aw sa komedyanteng  TV host.

Atol sa iyang guesting sa YouTube channel ni Vice Ganda sa niaging adlaw , gisaysay ni Ryan nga naningkamot siya aron maluwas ang ilang relasyon bisan pa sa mga hagit nga ilang nasinati, apan wala gyud sila nagkabalik.

“Akalà ko mafi-fix. Siyempre sa relationship, mayroon din akong kasalanan. Pero I never cheat,” ni Ryan pa.

Gibutyag usab niya nga usa sa mga dakong hinungdan sa ilang pagbulag ni Paola mao ang kalainan sa ilang kultura ug panglantaw sa kinabuhi.

Kahinumdoman nga nipahibalo sila Ryan ug Paola sa ilang engagement  niadtong Hunyo 2024, apan wala na madayon  ang ilang kasal.

Ariana ug Ethan nagbulag

Gikatahong giputol na nila ni  Ariana Grande ug  Ethan Slater ang   kapin sa  duha ka tuig nila nga relasyon.

Sa  report sa People, gingong hilom nga nahuman ang ilang relasyon pipila ka bulan na ang nilabay, apan nagpabilin silang managhigala ug nagsuporta sa usa'g usa.

Nagkaila ang duha sa set sa Wicked diin gidala  ni Ariana ang papel ni Glinda ,samtang si Ethan maoy nagdala sa karakter ni Boq.

Nagsugod ang ilang relasyon niadtong 2023. — Grezy Mie Sibay, CNU-Main Intern