Coco, nagpatikim ng theme song at poster!

Inilabas na ang official poster at theme song para sa ABS-CBN primetime teleseryeng Coco Martin’s Sigabo.

Tampok sa poster ang maangas at nakakakilig na tambalan nina Coco Martin at Julia Montes kung saan astig ang kanilang pormahan at pareho silang may hawak na baril. Mula sa konsepto ni Coco ang poster at si Jun De Leon ang nagsilbing photographer.

“Happy ako na magkasama kami ni Julia sa poster. Nandun lahat ng elements – ‘yung action, romance, tapos makikita mo ‘yung komunidad na gagalawan ng kwento,” kwento ni Coco sa interview ng TV Patrol.

Nagpatikim din si Coco sa official theme song ng Sigabo na inilabas online na siya mismo ang nagsulat habang si Yeng Constantino ang kumanta.

Mag-uumpisa na ito Hunyo 22 ng 8 p.m. sa ABS-CBN sa ALLTV2, A2Z, Kapamilya Channel, iWant, at Kapamilya Online Live sa ABS-CBN Entertainment YouTube.