Bashers gipadungog- dungog ni Bela

CEBU, Philippines — Wala moderetso og tira si Bela Padilla sa iyang bashers  apan duna siya'y mga pasumbingay sa iyang Instagram stories .

 Una na nga niulbo ang taho sa niaging mga adlaw   nga matud pa dunay mga  wala kauyon sa batasan ni Bela nga kauban ra pud niya sa seryeng  "Blood vs Duty.”

Giingong dili tinoud ang maong taho.

Sa mensahe niya sa Instagram , gitataw ni Bela nga ra'y  mga nanaot kaniya.

“Nawa’y patawarin ng Diyos ang mga taong nagtangkang sirain ako," ni Bela pa . —SJA

Bag-ong single ni Maki, napuno sa emosyon

Nagpadayon sa pagpalapad sa iyang musical universe nga “KOLORCOASTER” ang Kapamilya singer-songwriter nga si Maki pinaagi sa pag-release  sa iyang bag-ong pink-themed single nga “Habangbuhay Pansamantala” uban sa opisyal nga music video niini.

Suma pa ni  Maki, ang titulo sa kanta naghisgot  sa magkasumpaki apan realistiko nga pagbati sa usa ka tawo nga kanunay lamang mahimong temporaryo sa kinabuhi sa uban bisan pa sa iyang tinguha alang sa gugmang molungtad hangtod sa kahangturan.

Gihinganlan isip “pink anthem,” ang emosyonal nga awit kay  naghulagway sa kasakit sa pagkahimong ikaduhang kapilian sa usa ka relasyon samtang naglaom gihapon nga makakaplag og tinuod ug malungtarong gugma.

Si Maki mismo maoy nagsulat sa kanta ug nakigtambayayong sa produksyon uban nila Jacob Clemente, Tati de Mesa, ug Jovel Rivera.

Gibutyag usab sa “Dilaw” hitmaker ang iyang positibong kasinatian sa pakigtambayayong kang Justin De Dios (miyembro sa SB19) sa paghimo sa music video niini .

Nangandam na  usab siya  alang sa iyang Southeast Asian concert tour nga ipasundayag sa The Theatre Mediacorp sa Singapore karong Hunyo 13 ug sa Bengkel Space sa Jakarta, Indonesia karong Hunyo 14.

Gihimog-atan  ni Maki ang importansya sa pagsuporta sa mga lokal nga artista ug sa Original Pilipino Music (OPM), ilabi na sa pagdala niini ngadto sa international music scene.

Madungog ang “Habangbuhay Pansamantala” sa nagkadaiyang  digital streaming platforms. 

Rita ug non-showbiz BF, nagpakasal na !

Minyo na ang kanhi Pinoy Big Brother housemate ug social media personality nga si Rita Gaviola ngadto sa iyang non-showbiz partner nga si Jeric Ong human sa kapin duha ka tuig nila nga  engagement.

Ang maong balita kalabot sa ilang pagpakasal  kay gipahibalo ni Rita pinaagi sa iyang wedding video nga gi-post  sa Facebook, diin iyang gipadayag ang iyang pasalamat sa tanang mitambong ug nahimong kabahin sa ilang espesyal nga adlaw.

“Mrs. Ong na ’ko. Thank you so much po sa lahat ng naging parte sa mahalagang araw na ’to,” ni Rita pa.

Nailhan pag-ayo si Rita niadtong 2016 human mikatap sa social media ang iyang mga hulagway samtang naa siya sa  kadalanan. Tungod niini, gitawag na siya og  “Badjao Girl,” nga maoy nakahatag kaniya og dakong pag-ila sa publiko ug nakadani sa daghang oportunidad sa entertainment industry.