Bangka nagkaaberya; 23 mangingisda, nasagip ng PCG
MANILA, Philippines — Nasagip ng Philippine Coast Guard (PCG) ang nasa 23 mangingisda na nasiraan ng bangka habang nangingisda sa karagatang sakop ng Subic, Zambales.
Ayon sa PCG, dumanas ng engine failure ang fishing vessel ng mga mangingisda sanhi upang maistranded ang mga ito.
Umalis umano ang mga mangingisda sa pangunguna ng kanilang boat captain na si Erwin Morate, mula sa kanilang homeport sa Barangay Wawandue, lulan ng FBCA Wilyn, noong Martes ng umaga.
Gayunman, habang nag-o-operate may 85.96 nautical miles sa Sampaloc Point noong Miyerkules ay pumalya ang propulsion system ng bangka.
Sanhi nito, humalo ang tubig sa engine oil, na nagresulta sa pagpalya ng makina.
Kaagad namang rumesponde ang mga tauhan ng PCG patrol vessel na BRP Cape San Agustin (MRRV-4408) at sinagip ang mga mangingisda.
- Latest
