Senado magko-convene bilang Impeachment Court sa Mayo 13
MANILA, Philippines — Magko-convene na ang Senado bilang impeachment court sa Mayo 13 kung maipapasa sa kanila ang Articles of Impeachment laban kay Vice President Sara Duterte sa Martes, Mayo 12, ayon kay Sen. Win Gatchalian.
Sinabi ni Gatchalian na tama lamang na aksiyunan kaagad ng Senado ang Articles of Impeachment.
“Ini-expect ko na ita-transmit sa amin on Tuesday at base sa mga statements ni SP [Senate President Vicente Sotto III], i-convene na yung impeachment court on Wednesday,” sabi ni Gatchalian.
Posibleng maisasampa sa Senado ang impeachment case sa susunod na linggo matapos ang pormal na botohan nito sa Kamara ngayong Lunes, Mayo 11.
Pero idinagdag din ni Gatchalian ang ruling ng Supreme Court na depende pa rin sa Senado kung ano ang ibig sabihin ng “forthwith.”
“So nasa discretion na ‘yan ng body kung gusto nila kaagad-agad or may reasonable grounds naman,” dagdag niya.
- Latest
