Presyo ng petrolyo may dagdag-bawas

MANILA, Philippines — Inaasahang magkakaroon ng dag­dag-bawas ang ­presyo ng mga produktong petrolyo sa susunod na linggo.

Base sa Mean of Platts Singapore (MOPS) at foreign exchange averages sa nakalipas na apat na araw, sinabi ng isang oil industry source na inaasahan nilang magkakaroon ng tapyas sa presyo ng diesel habang tataas naman ang presyo ng gasolina.

Ayon sa source, tinatayang aabot ng mula P6.00 hanggang P8.00 kada litro ang rollback sa diesel habang P1.00 hanggang P4.00 naman kada litro ang itataas ng presyo ng gasolina.