Diesel may P10/L tapyas
MANILA, Philippines — Inaasahang bababa muli ang presyo ng diesel sa susunod na linggo.
Ito na ang magiging ikatlong linggong sunud-sunod na rollback ng presyo ng diesel matapos ang serye ng mega oil price hikes na ipinatupad ng mga kumpanya ng langis simula nang sumiklab ang tensiyon sa Gitnang Silangan.
Base sa Mean of Platts Singapore (MOPS) trading at foreign exchange averages sa loob ng nakalipas na araw, sinabi ng isang oil industry source na maaaring bumaba ng P8.00 hanggang P10.00 ang presyo ng diesel kada litro sa susunod na linggo.
Gayunman, walang nakikitang paggalaw sa presyo ng gasolina o kung magkaroon man ng price adjustment ay maaaring tumaas pa ito ng P1.00 kada litro.
Karaniwan nang inaanunsiyo ng mga kumpanya ng langis ang pinal na price adjustment sa mga produktong petrolyo tuwing araw ng Lunes, at ipinatutupad kinabukasan, Martes.
- Latest
