Galvez nagbitiw na peace adviser, Sarmiento ipinalit
MANILA, Philippines — Nagbitiw si Secretary Carlito Galvez Jr. bilang Presidential Adviser on Peace, Reconciliation and Unity.
Kinumpirma ni Palace Press Officer na si Atty. Claire Castro ang desisyon ni Galvez na bumaba sa kanyang puwesto at tinanggap naman ni Pangulong Ferdinand Marcos Jr. ang pagbibitiw nito.
Walang sinabing dahilan kung bakit nagbitiw si Galvez.
Kinumpirma rin ni Castro na itinalaga ni Marcos bilang kapalit ni Galvez si Mel Senen Sarmiento.
Bago ang kanyang appointment, si Sarmiento ay nagsilbing kinatawan ng First District representatives ng Samar mula 2010 hanggang 2015.
Nagsilbi rin si Sarmiento bilang secretary ng Department of Interior and Local Government (DILG) mula 2015 hanggang 2016 noong panahon ni dating Pangulong Noynoy Aquino.
Samantala, ginawa ni Galvez ang pagbibitiw sa puwesto matapos bumaba bilang national security adviser si Eduardo Año na pinalitan naman ni dating Armed Forces of the Philippines Chief of Staff Gen. Eduardo Oban.
Kapwa nagsilbing cabinet secretaries ni dating Pangulong Rodrigo Duterte sina Galvez at Año.
- Latest
