BrahMos missile gagamitin sa Philippines-US Balikatan
MANILA, Philippines — Gagamitin sa ‘simulation firing’ ang Indian-Russian BrahMos supersonic cruise missile system na hindi pa nagagamit sa combat bilang bahagi ng Maritime Strike (Marstrike) sa Balikatan na pormal nang umarangkada nitong Lunes.
“The BrahMos of the Coastal Defense Regiment of the Philippine Marines will participate during the Balikatan, but it will be only in a constructive environment. Where it will only do simulation firing during the joint maritime strike wherein two target vessels will be sunk in the northern part of our country in Northern Luzon,” sabi ni Major Gen. Francisco Lorenzo Jr. Philippine Exercise Director.
Nabatid na ang BrahMos na inio-operate ng Philippine Marine Corps Coastal Defense Regiment ay isang shore-based, supersonic anti-ship cruise missile system na nabili ng Pilipinas sa India sa halagang $375 milyon deal para palakasin pa ang maritime deterrence lalo na sa bahagi ng West Philippine Sea (WPS).
Bukod sa Estados Unidos kabilang pa sa mga bansang kalahok sa Balikatan war drills ang Australia, Canada, France, Japan at New Zealand kasama ang nasa 18 pang naimbitahang mga observers sa mahigit 17,000 tropa na magsasagawa ng pagsasanay sa himpapawid, kalupaan at karagatan.
Ang simulation firing ay tumutukoy sa training scenario kung saan ang lahat ng sensors at fire control systems ng isang platform ay ina-activate sa aktuwal na scenario ng firing pero walang armas na ilulunsad sa nasabing bahagi.
- Latest
