PANOORIN: Pag-inom sa kalsada, bawal na!

MANILA, Philippines — Inanunsyo ni Interior Secretary Jonvic Remulla ngayong Lunes, April 6 na ipagbabawal na ang pag-inom sa mga pampublikong lugar tulad ng kalsada, at mahaharap sa aksyon ang mga lalabag.

Ayon kay Remulla, bahagi ito ng pagpapatupad ng Anti-Public Intoxication Act at ng mas pinalakas na kampanya para sa kaayusan sa mga komunidad.

Dagdag pa niya, paiigtingin din ang curfew para sa mga menor de edad, pati ang pagbabawal sa videoke lampas alas-10 ng gabi at paglalakad sa kalsada nang walang suot na pang-itaas.

Ipinatutupad ng mga LGU ang curfew at noise control ordinances, lalo na sa urban areas.