Pope Leo XIV, nanawagan ng ceasefire sa Middle East
MANILA, Philippines — Nanawagan si Pope Leo XIV ng ceasefire at pagtatapos ng giyera upang manaig na ang kapayapaan sa Middle East.
“Dear brothers and sisters, for two weeks the peoples of the Middle East have suffered the atrocious violence of war,” anang Santo Papa, sa kanyang lingguhang Angelus prayer sa Vatican, nitong Linggo.
Ikinalungkot ng Santo Papa na libu-libong inosenteng tao na ang nasawi at maraming iba pa ang napilitang lumikas mula sa kanilang mga tahanan dahil sa kaguluhan.
“I renew my closeness to all those who have lost loved ones in the attacks that have hit schools, hospitals, and residential areas,” aniya pa.
Direkta pang tinukoy ni Pope Leo XIV ang mga taong responsable sa kaguluhan at umapela sa mga ito na itigil na ang giyera at muling buksan ang dayalogo.
“On behalf of the Christians of the Middle East and of all women and men of goodwill, I address those responsible for this conflict,” panawagan pa niya, sa wikang Italyano.
Giit ng Santo Papa, ang karahasan ay hindi kailanman magreresulta sa hustisya, istabilidad at kapayapaan na pinakaaabangan ng mga mamamayan.
“Cease fire! Let paths of dialogue be reopened!” anang Santo Papa. “Violence can never lead to the justice, stability and peace that people await.”
- Latest
