Dagdag sahod, political grandstanding lang?

MANILA, Philippines — Mahigit 100,000 hanggang 300,000 trabaho ang puwedeng mawala.

Ito ang projection ng ilang economic analysts kaugnay sa panukalang P100 hanggang P200 nationwide wage hike ni Kamanggagawa Partylist Rep. Eli San Fernando.

Hindi umano ito posible lalo't maraming maliliit na kompanya ang hindi kakayanin ang P4,000 hanggang P4,800 dagdag gastos kada empleyado bawat buwan.

Hindi pa kasama rito ang SSS at iba pang benefits.

At kapag tumaas ang gastos ng kompanya, tiyak magtaas ng presyo ng produkto, o magbabawas ng tao, at higit na malala ay tuluyang magsara ito.

Kaya malabo umanong makapasa ang itinutulak na P100-P200 dagdag sahod ni Rep. San Fernando lalo't ngayong apektado ang bansa sa middle crisis sa Middle East.