DSWD tumanggap ng $1 milyong donation sa China

Biktima ng mga bagyo

MANILA, Philippines — Nagkaloob ang China ng $1 milyong (?59 million) cash assistance sa Pilipinas para sa mga pamilyang naapektuhan ng mapaminsalang bagyo noong nakaraang taon.

Ito ay dagdag sa 10 milyong RMB halaga ng emergency supplies bilang karagdagang tulong. Pinangunahan nina China ambassador Jing Quan, at Department of Social Welfare and Development (DSWD) Sec. Rex Gatchalian ang pormal na turnover sa ­seremonya sa Quezon City.

Ayon kay Jing, “we felt your pain as our own” habang layunin ng donasyon na matulungan ang mga biktima na muling makabangon at maibalik ang kanilang mga tahanan.

Dagdag pa niya, ­patuloy na susuportahan ng China ang Pilipinas sa disaster response, imprastraktura, water treatment, at poverty alleviation projects upang makinabang ang ordinaryong Pilipino.

Nagpasalamat naman si Gatchalian sa “generous donation” ng China, na aniya’y nagpapakita ng tunay na diwa ng humanitarian partnership at malaking tulong sa pamahalaan upang mas mapabilis ang pagtugon at pagbibigay-asa sa mga komunidad na nagsisikap makabangon mula sa mga sakuna.